İş məlumatları

Bakı

Şəhər

Sənədlərlə iş üzrə mütəxəssis

Vəzifə

Tam-ştat

İş rejimi

Maliyyə

Sahə

Digər

Kateqoriya

İş barədə məlumat

Kapital Bank ölkənin ən böyük bankıdır və bütün bazar üçün standartları müəyyən edir. Hər gün 6 milyon müştəri bizə güvənərək məhsullarımızdan istifadə edir. Bankın ölkə üzrə 140-a yaxın xidmət nöqtəsi, hər kəsin sevərək istifadə etdiyi kart məhsulları, ölkənin ilk rəqəmsal bankı olan Birbank tətbiqi var. Birbank-ın aktiv istifadəçilərinin sayı isə bu gün artıq 4 milyona yaxınlaşır.

Məqsədimiz – müştərilərimizin həyatını daha rahat, xoş və komfortlu hala gətirməkdir. Bunun üçün ən uyğun bank xidmətlərindən və gəlirli maliyyə məhsullarından ibarət ekosistem qururuq. Artıq siz kredit məhsullarını və kartları onlayn əldə edə, ölkədaxili, eləcə də ölkəxarici pul köçürmələri apara, alış-verişinizi faizsiz olaraq aylara bölə və ödənişlərinizdən keşbek qazana bilərsiniz.

Gələcək üçün böyük planlarımız var və biz məhz bu planları reallaşdıraraq ölkəmizin gündəlik həyatını bizimlə birgə müsbətə doğru dəyişə biləcək enerjidolu və ambisiyalı şəxslərin axtarışındayıq.

Rol haqqında

Kapital Bank sənədlərin qeydiyyatını icra edə bilən, dövriyyəsini planlaşdıracaq və sənədlərlə çalışa biləcək, Bankdaxili biznes prosesləri üzrə geniş təsəvvürə malik olan namizədlər axtarır.

Bizimlə işləməyin üstünlükləri

• Biz müştərilərimizə dəyər veririk və onların ehtiyaclarına, vərdişlərinə və gözləntilərinə diqqət yetiririk.
• Multikultural mühit: biz xarici həmkarlarımızın fikirlərini və təcrübələrini qiymətləndiririk. Biz açıqlığa, inklüzivliyə və müxtəlif baxış bucağının mövcudluğuna dəyər veririk.
• Rəqabətli əmək haqqı: Rəqabətli əmək haqqı, tibbi sığorta və illik performans mükafatı.
• Artım imkanları: Biz işçilərimizin peşəkar inkişafına sərmayə qoyuruq və aydın karyera yolları, şəxsi inkişaf planları və geniş çeşiddə onlayn kurslar və təlim proqramları təklif edirik.
• Çevik iş formatı: məsafədən və ofis işinin kombinasiyası.
• Rahat və gözəl ofis: xoş və maraqlı ofisimiz var.
• Qeyri-rəsmi geyim: rahat geyinin və fərdi üslubunuzu ifadə edin.

Öhdəliklər

Baş ofisə daxil olmuş xidməti sənədləri və digər korrespondensiyaları qəbul edərkən onların ünvanlarının düzgünlüyünü, zərflərin və ya bağlamaların salamatlığını müəyyənləşdirir.
 

• Zərf açılarkən sənədlərin tamlığını, zədələndiyini və nömrələrin zərfin üstündə göstərilən nömrələrə uyğunluğunu yoxlayır.
• Zərfə səhv qoyulmuş sənədləri geri qaytarır və ya həmin sənədi göndərənin razılığı ilə aidiyyəti üzrə göndərir.
• Bankın baş ofisindən, filiallarından və digər təşkilatlardan daxil olmuş sənədlərin qeydiyyatını aparır.
• Şöbədə qeydiyyatdan keçmiş xidməti sənədlər və digər korrespondensiyalarla tanış olub icra edilməsi üçün müvafiq qaydada departamentlərə təqdim edir.
• Struktur bölmələrdən sənədləri göndərmək üçün təhvil almazdan əvvəl həmin sənədlərin düzgün tərtib edilməsini, o cümlədən ünvan sahibinin adını, ünvanını, müvafiq imzaları, tarixin və əlavələrin olub-olmadığını yoxlayır.
• Göndərilən korrespondensiyaları zərflərə yerləşdirir, ünvanları yazır və markalayır.
• Baş ofisdən göndərilən sənədlərin ünvanlarına çatdırılması üçün poçta təqdim edir
• Baş ofisə daxil olan qəzet və jurnalları struktur bölmələrə çatdırır.
• Əmək müqaviləsi, şöbənin əsasnaməsi, habelə fəaliyyətinə dair digər bankdaxili korporativ aktların müvafiq göstərişlərindən irəli gələn başqa funksiyaları icra edir.
• Birbaşa rəhbəri, İdarə Heyəti sədri, tərəfindən verilən, Müşahidə Şurası və bankdaxili komitələrin qəbul etdiyi qərarlardan, əmək müqaviləsindən, şöbənin əsasnaməsi və fəaliyyətinə dair bankdaxili korporativ aktlardan irəli gələn tapşırıq və sərəncamları qeyd-şərtsiz yerinə yetirir.

Tələblər

• Ali təhsil;
• Azərbaycan dilində səlis yazı və danışıq qabiliyyəti;
• Rus dili mütləqdir, ingilis dili arzuolunandır;
• Bankçılıq sahəsi haqqında ilkin anlayış;
• Tez öyrənmə bacarıqları, problemlərin həlli və ya həll yolları təklif etmə;
• Detallara diqqət, dəqiqlik və təcili işlərə həssaslıq;
• Microsoft Word, Excel və internetdə işləmə bacarığı;
• Təşəbbüskarlıq və məsuliyyətlilik qabiliyyəti.

Kapital Bank-da iş mühiti ilə daha yaxından tanış olmaq üçün keçid edin - https://urlgeni.us/linkedin/mblbnnr

Vakansiyalardan daha tez xəbərdar olmaq üçün Telegram kanalımıza abunə olun!